احبتى

انى راحلة ....الى مصير مجهول

راحلة وفى قلبى الكثير

راحلة وفى عينى الدموع

راحلة وفى قلبى جروح

راحلة ولا امل فى الرجوع

راحلة الى اين .... لا ادرى

انتهيت وهذه اخر سطورى

اخر ما كتبت كل احبارى

انتهيت وماعاد فى العمر معمور

حتي تكون أسعد الناس

مامضي فات وما ذهب مات فلاتفكر فيما مضي فقد ذهب وانقضي

اترك المستقبل حتي يأتي ولا تهتم بالغد لأنك اذا اصلحت يومك صلح غدك

عليك بالمشي والرياضة واجتنب الكسل والخمول واهجر الفراغ والبطالة

جدد حياتك ونوع أساليب معيشتك وغير من الروتين الذي تعيشه


اهجر المنبهات والاكثار من الشاي والقهوة واحذر التدخين والشيشة وغيرها


كرر(لا حول ولا قوة الا بالله) فانها تشرح البال وتصلح الحال وتحمل بها الاثقال وترضي ذا الجلال

أكثر من الاستغفار فمعه الرزق والفرج والذرية والعلم النافع والتيسير وحط الخطايا


البلاء يقرب بينك وبين الله ويعلمك الدعاء ويذهب عنك الكبر العجب والفخر


لا تجالس البغضاء والثقلاء والحساد فانهم حمي الروح وهم حملة الاحزان


اياك والذنوب فانها مصدر الهموم والاحزان وهي سبب النكبات وباب المصائب والازمات


لاتتأثر من القول القبيح و الكلام السيئ الذي يقال فيك فانه يؤذي قائله ولا يؤذيك


سب أعدائك لك وشتم حسادك يساوي قيمتك لأنك أصبحت شيئا مذكورا ورجلا مهمآ

اعلم أن من اغتابك فقد أهدي لك حسناته وحط من سيئاتك وجعلك مشهورا وهذه نعمة

ابسط وجهك للناس تكسب ودهم والن لهم الكلام يحبوك وتواضع لهم يجلوك


ابدأ الناس بالسلام وحيهم بالبسمة واعرهم الاهتمام لتكن حبيبآ الي قلوبهم قريبآ منهم

لا تضع عمرك في التنقل بين التخصصات والوظائف والمهن فإن معني هذا انك لم تنجح في شيء

كن واسع الأفق والتمس الأعذار لمن أساء اليك لتعش في سكينة وهدوء واياك ومحاولة الانتقام

نكات على الماشى

عملوا جائزة مليون جنيه للي عنده 10 عيال.واحد عنده تسعة قال لمراته أنا كنت متجوز عليكى ومعايا ولد أروح
أجيبه ونكمل العشرة ونكسب الجايزة.راح ولما رجع ملقاش العيال سأل مراته فين العيال قالتله كل عيل أبوه جه خده.


مساطيل ركبوا أتوبيس بدورين اللي فوق سال اللي تحت انتوا ماشيين بسرعة كام؟ قالوا 80 وانتوا ؟ قاله: إحنا السواق مجاش.



واحد غبي راح يخطب الأب قاله البنت لسه فى المدرسة رد عليه الغبي وقاله يعنى أجيلها بالليل.

واحد ميكانيكي فتح مصنع شيكولاتة سماه كالاكسى




سواق راح يحلق الحلاق بيساله : عايز شعرك ازاى؟؟؟ قاله: فى اى حته على جنب9.




محشش جابوه للقاضي قاله لو قلتلى 10 حاجات بتعملها من ساعة ما تصحى لغاية ما تنام وتكون تبدا بحرف الالف حسيبك؟ قاله المسطول: اجيبها واحرقها وافرطها والفها و اولعها واعمرها وامخمخ انسطل اطفيها انام.




واحد بخيل راح يزور أمه فى المستشفى شاف على الباب مكتوب ادفع قال: خلاص ابقي ازورها لما تروح البيت.



صعيدي جزمته اتقطعت خيطهاوبعد أسبوع لقاها كويسه فك الخياطه .




صعيدي ربح مليون خافوا يبلغوه يموت مصدوم قال العمده أنا أقوله.قال يا محمدين لو ربحت مليون حتعمل بيهم إيه؟ قال:أديك نصهم.مات العمدة !



محشش قطع رأس أخوه وهو نايم وقعد يضحك ويقول:هيتجنن لما يصحي وميلقهاش !!




محشش لقي كنز قال:كويس فاضل الخريطة




ولد بيسأل أبوه:هي الحمير بتتجوز؟ قاله :يا بني مبيتجوزش أصلاً غيرالحمير



مين أكثر إنسان صابر في الدنيا؟؟؟ صعيدي ينتظر إليسا علي قناة إقرأ



واحدة سودة قوي ركبها عفريت حاولوا يطلعوه قالهم نفسي أطلع بس..... مش شايف.



واحدة بتقول لجوزها اطرد السواق كان حيموتني مرتين في حادثة قال لها خلينا نديه فرصة ثالثة



مسطول صدم شرطي وموته راح متصل بـ122 وقالهم:أحب أبلغكم إنكم بقيتوا 121.




محشش بيسأل محشش التعلب بيولد ولا بيبيض قاله التعلب مكار توقع منه أي حاجة

لعيب كورة بيسأل مراته إذا كانت خانته قبل كده ولا لا فقالت له : بصراحه (3) مرات بس، الاولى: فاكر لما المدرب ماكنش بيرضى يلعبك وبعدين بقى يلعبك!قالها: طب تاني مره ؟ قالت له: فاكر لما زمايلك ماكانوش بيباصولك الكوره وبعدين بقو يباصولك!! قال لها : طب تالت مره؟؟ قالت له : فاكر الجماهير لما ماكانتش بتشجعك وبعدين كلهم بقوا يشجعوك

مرة واحدة بتخون جوزها فسمعتة طالع على السلم فقالت اخبيك فين اخبيك فين راحت مخبياة ورا التلفزيون فجوزها كان جايب سمك فقالها خدى جهزى السمك ده وراح فاتح التلفزيون يتفرج على المطش الست جية تقولو ا اية دة ياراجل انتا جايبلى السمك صاحى قالها امال انا اعمل اية كل ما الاهلى يجيب جون يطلع واحد من الجمهور يبوسنى ويرجع تانى

واحد قبل مايموت جمع ولاده التلاتة وحب يوصيهم يفضلوا ايد واحدة ،وأعطى لكبيرهم عود خشب كسره بسهوله أعطاه اتنين كسرهم بسهولة برضه أعطاه خمسين عود كسرهم بسهوله قال لهم طالما معاكم البغل ده مافيش خوف عليكم

مرة واحدة أرادت اختبار اجواز بناتها فاخذت الأول وعملت نفسها اتزحلقت في البحر فنزل وراها وانقذها، تانى يوم وجد عربية بيجو ومكتوب عليها "هدية من حماتك" وفعلت نفس الشئ مع الثانى فاحضر لها الاسعاف ووجد فى تانى يوم عربية بيجو ونفس الرسالة، أما الثالث فسبها تغرق، ففى اليوم التالى وجد عربية مرسيدس ومكتوب عليها "هدية من حماك

رقد الرجل على فراشة يغالب الغيبوبة وكلما افاق وجد زوجتة بجوارة وتنظر الية بحنان فامسك بيدها قائلا لما اترفدت وقفتى معايا، ولما شركتى فلست كنتى جنبى، ولما بيتنا اتحرق كنتى جنبى ، ودلوقتى انتى برضة جنبى ، مش عارف لية انا حاسس انك نحس

امثال الشعب المصرى 2006

فاقد الشىء يدور عليه

اقلب القدره على فومها الفول يقع منها

تأتى الرياح محمله بالأتربة

ياخبرالنهارده بفلوس بكره ينزل عليه أوكازيون

اللى معاه قرش محيره يجيب حمام ويحمره

اللى ياكل لوحده يشبع

لاتبكى على اللبن فى البسكوت

اقطع عرق و حته بتلو

اطبخى ياجاريه الأنبوبه فاضيه يا سيدى

لو حبيبك عسل ما تحطلوش طحينة

اللى يتلسع من الشوربه يتصل بالمطافى

وبكره ترجع ريما من عند خلتها فى مارينا

ياداخل بين البصله وقشرتها حط قطرة علشان هادمع من ريحتها

اصوم اصوم وافطر على المدفع

القرش الأبيض بيعوم فى البحر الأحمر

ضربوا الأعور على عينه قالهم كسرتوا النضاره

اللى ميشفش من الغربال يكشف نظر

نام وارتاح وكل عسل نحل التمساح

من خرج من داره مينساش يأخد المفتاح معاه

الباب اللى يجيلك منه الريح شيله وركب قبنورى

المضطر يركب التاكسى

رب صدفة خير من ألف ليلة و ليلة

اللى يخاف من العفريت يعمل عبيط

المركب اللى فيها رايسين يلعبوا طاولة

اللى خدتوا الأرعه تخدو ام الخلول

أكل العيش يحب الطعميه

قال المدرس أعرب يا ولدي

( عشق المسلم أرض فلسطين )

قال الطالب: نسي المسلم أرض فلسطين

.الأول: فعل مبني فوق جدار الذله والتهميش والفاعل مستتر في دولة صهيون

. والمسلم مفعول كلا مكبول في محكمة التفتيش

وأرض فلسطين ظرف مكان مجرور عفوا ً مذبوح منذ سنين

قال المعلم : يا ولدي خالفت قوانين النحو وعُرف المختصين

قال التلميذ

معذرة استاذي فسؤالك حرك أشجاني ألهب وجداني

معذرة فسؤالك نار تبعث أحزاني وتحطم صمتي وتهد كياني

عفوا يا أستاذي نطق فؤادي قبل لسانى

مقتبس

اغنية العنب على مزاج الريس

الأغنية دى لاقت استحسان كبير من الناس كلها

واتضح انها مش عجبت الناس وبس لا دى عجبت الريس كمان

والريس طلب أغنية بنفس اللحن الجميل

وفعلا الأغنية اتعملت

دى كلماتها وطبعا كله حافظ اللحن

عاوزك تقرا الكلام وترجع اللحن من الذاكرة وعيش مع نفسك

بس صدقنى مش هتعيش كتير



الأغنية


القعده علي الكرسي حلوه بس الشعب بيقرص

شرب الحشيش فى كل حته حتى فى بيت الريس
..

شعب تاكله وشعب ياكلك

شعب تشله شعب يشلك

شعب تقرف منه

شعب يكفيك شره


ينفع فى شتا او صيف هو ايه...

الريس الريس الريس

الريس الريس الريس

هو ايه

الريس الريس الريس

الريس الريس الريس

قلبه ابيض وضميره سليم

لا بيغش ولا هو غشيم

كان فى الحكومه امير

كان علي البلد بيغير

سجنه ريسه اللى افترى

سجنه ريسه اللى افترى

كان عيشته حرير فى حرير

ده سجنه

بهدله

ظبطه

شرده

تعالي

تعالي

تعالي


ينفع فى شتا او صيف

هو ايه

الريس

الريس

الريس

الريس


هو اللى مجوعنا .. هو

هو اللى مشردنا..هو

هو اللى معرينا ..هو

هو اللى. مروقنا..هو


هو هو هو هو

يلا يلا يلا

يلا يلا يلا

يلا نجددله يلا

يلا يلا يلا

ربنا يستر معانا

طبعا عارفين مكانكو بعد دخول الموضوع دا

رحلة مفتوحة المدة لسجن خمس نجوم الكيلو 80 سكة اللى يروح مايرجعش امتداد طريق
الندامة

هذا كتاب طبخ خاص بالشباب العزاب وممنوع دخول البنات منعاً للإحراج وأخذ الطبخات

اولا : طريقة عمل الشاي

الأدوات :

براد لغلي الماء -

كوب فارغ يستحسن ان يكون مغسول -

قليلاً من السكر

كيس شاي ليبتون "ابوفتلة"

ورقتين نعناع

كبريت

نار

ملحوظة هامة: ماتلعبش بالنار لاحسن ....

الطريقة :

املأ البراد بالماء

وضعه على النار حتى يغلي غلياً شديداً

فإذا فار (طبعاً الماء) انتظر قليلاً ثم أغلق البوتجاز

ضع السكر في الكوب الفارغ

ضع كيس الشاي فى نفس الكوب الفارغ

أضف ورقتي النعناع

ضع الماء المغلي فى الكوب واتركه دقيقتين ثم ارمي الكيس و النعناع في أي مكان قدامك وبعدين ابقى نضف المكان ثم قدمه وبالهناء والشفاء

ثانياً : طريقة البيض المقلي المقادير

: ثلاث بيضات قليلاً من الزيت / زيت قلي موش حاجة تانية

ذرّة من الملح

قليلاً من الفلفل الاسود المطحون كويس

زبدة

قلاية

ملعقة للتقليب

كبريت

نار

ولازم افكركم مره تانية .. ماتلعبش بالنار لاحسن تحرق صوابعك

الطريقة :

- (هذه الطبخة تحتاج الى مهارة عالية وكفاءة و تركيز و حذر ، لكن مع الوقت ستكون سهلة جداً)

- ضع القلاية عالنار

- ثم ضع قليلاً من الزيت

- ودعه حتى تصل حرارته الى 143،55667 درجة فهرنهايت

- انتبه الطبخة موش هتستوى إلا مع هذه الدرجة من الحرارة

- إذا مكنش عندكم ترمومتر حرارة حط صباعك الصغير في الزيت

- فإذا قلت ( واو ) حينئذ تكون وصلت للحرارة المطلوبة

- اكسر البيض في إناء مقعر ثم ضع الملح والفلفل الاسود وقلب جيدا حتى يتغير لونه وتظهر الفقاعات

هنا وفي هذه اللحظة ضعه بسرعة في القلاية وابعد وجهك قليلاً حتى لا تصاب بأذى علشان الزيت ممكن يعمل تــــششششششششششش فإذا تكونت طبقة شبه صلبة من البيض قم بقلبه على الوجه الآخر بسرعة

- استمر في التقليب حتى يصبح لونه برونزي فاتح - ثم قم بمسحه بقليل من الزبدة وبالهناء والعافية

وأخيراً المفاجأة الكبرى و المنتظرة

.

.

.

.

.

كيف تحصل على ماء بــــــارد

الأدوات :

- كوب فارغ

- ثلاجة

الطريقة :

- - ضع الكوب تحت الحنفيه وافتحها قليلاً حتى يمتلأ الكوب بالماء

- اغلق الحنفيه بإحكام - افتح باب التلاجة وضع فيها الكوب برفق

- اغلق الباب وتأكد أنك أغلقته جيداً

- اترك الكوب لمدة نصف ساعة ثم أخرجه من التلاجة

واقعد عالكرسي واشربه بالهنا والشفا ياعم

عندما تنام وانت تتوسد الحــــزن


عندما تنام وأنت تتوسد الحزن وتستنشقه كالهواء... يحوطك ويأسرك

ويسجنك وتتحطم أحلامك الواحد تلو الآخر، وتموت الأماني وتحتضر

كالكهل المثقل بالأمراض المستعصية الذي يتمنى الموت على انتظار الشفاء




عندما تنام على أنشودة بكائك وتحتمي بالوسادة لتخفي بها ضعفك

وتصحو من فرط ذلك الصداع الذي خلفه بكاؤك طوال الليل

وتدعو ان تنقشع عنك الكآبة.. ولكنها أمنية عجزت ان تتحقق

اليوم يلي الغد والهم تراه مثلما هو متشبث بك كطفل تائه ممسك بأول شخص يراه عند
الضياع



عندما ترى وجهك في المرآة ولا تجد في ملامحك سوى ملامح مرهقة
من البكاء وكثرة الهم وتتركها كما هي دون أي رتوش
أو مساحيق لتغطية تعبك وحزنك وألمك



عندما تقرر الا تخفي حزنك ولا تكترث بما قد يقوله الناس،

فكم مللنا تصنع السعادة ونحن لا نشعر بها

وكم مللنا رسم ابتسامة رغم رفضنا من الداخل لها



ان قمة الشجاعة ان تعلن حزنك وتكف عن مداراته؟

إن تصنع السعادة وأنت في قمة الحزن هو من الأشياء الموجعة فعلاً ؟

اننا كلنا نحزن ولا يوجد شخص سعيد طوال الوقت

حتى وان أظهر لك هذا فاعلم انه أكثر شخص يحتاج لأن يتكلم

ويعبر عن مكنونات نفسه ولكنه يفتقر الى الثقة بالغير ويخاف شفقتهم؟


ما العيب في ان تتكئ على ذراع اقوى من ذراعك ان شعرت بالضعف والوهن؟

ما العيب في ان تشكو ان شعرت بأن كثرة الصمت تقتلك وسبب في استمرارية حزنك

في لحظات الألم والحزن المطلق دائماً نستبعد ان هناك من يستطيع مساعدتنا

ونتصور ان همنا هو شيء فوق مستوى استيعاب البشر، ما هذا التشاؤم؟

كلنا بشر قابلون للكسر في لحظات الحياة القاسية،فالفولاذ ليس معدننا، نحن في

النهاية كتلة من المشاعر والعقل وفي حضرة المشاعريغيب العقل

ما أقسى الوحدة، انها رفيقتى، فهي كالسم يسري بهدوء

ولا تتركك إلا للأوجاع تفتك بك بهدوء، وكأنك مسلوب الارادة عندما استسلمت لها


وفي حياة كل شخص منا انسان هو الملاك المنقذ له وقت الهلاك.. قد يكون هذا الانسان

شخصاً لم يخطر على بالك في يوم،ولكنه ملاكك المنقذ في وقت الغرق


الجميل في الحزن انه يعلّم الإنسان الكثير، يجعلك تقدر أبسط الأشياء كالأيام العادية التي كنت تشكو فيها الفراغ


يعلمك الحزن من هو صديقك الوفي والمستعد دائماً لمد يد العون، وأنت في أعماق اليأس ولا يمل من تكرارك الشكوى

العريس الحرامي

بصوا بأه ..أولا الحكاية دي برضه من فصيلة هم يبكي و هم يضحك ..بس الصراحه يعني الصراحه ..انتوا هتضحكوا عليا أنا..هتشوفوا ..بس بقولكوا ايه بما اني فتاه ركيكة ..قصدي رقيقة رقيقة..و مهيضة الجناح..ههه حلوة مهيضه دي..فبليز بليز ..بلاش تريقة
الحكاية دي مايعرفهاش أي حد غير انا و ماما ..ماحكيتهاش لأي حد من أصحابي ..يعني ابقوا اتفشخروا قدام كل أصحابكم بالأمتياز ده ...حصريا ..حكاية العريس التاني ل عايزة أتجوز ..إقرا الحادثة ..اقرا الحادثة احمم..مقدمة...عارفين ايه احساس واحده و هي ماشية في الشارع و تحس ان حد معجب بيها..مش معاكسه يعني و كده ..لأ بيبقى فيه كده كيميا زي مابيقولوا الأجانب ..و على فكرة فيه جوازات كتير بتبدأ كده ...واحد يشوف واحده في الشارع..يمشي وراها ..يعرف ساكنة فين و يسأل عليها و يخطبها ..ابن عمي عمل كده و البت لسعته حتت قلم على وشة ..علم على صداغه 3 أيام ..قام هو اتكيف قوي و قال البت دي واضح انها مؤدبة و متربيةوراح خطبها ..آه و النعمة..هي صحيح بعد كده اتضح ان ايديها بتطول عليه في كل المواقف مش في الموقف ده بس ..بس و الله الراجل مبسوط و بيحلف باليوم اللي شافها فيه..و بيلعن أبو ...والا بلاش دي في مقام عمتي برضه المهم أنا يوم نازله من البيت رايحه الشغل..حسيت بكيميا م اللي كنت بقولكم عليها دي ..حسيت ان فيه عين هتخرم قفايا ..اتديرت بسرعه كده في الخباثة لقيتلكم راجل انما ايه ..طول بعرض بارتفاع.ماسك ف ايده شنطة سودا و لابس بدله و كرافته و نضارة شمس....عامل كده زي العيال اللي كانوا بيطلعوا في إعلانات جمعية شباب المستقبل بتاع جمال مبارك "شباب الجيل ..قوام جينا ..هو ..هو" فاكرينهم ؟..المهم الواد كان حليوة و انا قلبي هفهفله أول مالمحته ..استنيت شوية ع المحطه و بعدين جه الميكروباص..ركبت راح راكب ورايا..قلت الشياكه دي كلها هتركب مكروباص ليه يعني..أكيد في الأمر إنا ..و جه كمان قعد جنبي ....يا حلولي يا حلولي..بس كنت خايفه ليعاكس و ساعتها أنا ماعرفش أبويا ..باللي ف رجلي و لايهمني لا شباب المستقبل و لا جمال مبارك ولا حاجه أبدا..بس لاقيته في نص المسافه كده ..بيميل عليا و بيقول باسلوب رزين كده ...لو سمحتي ممكن أسأل حضرتك على حاجه ..وانتوا ماتعرفونيش... باتسطل لما حد يقولي حضرتك ..بس برضه مش سهله يعني..صدرت الوش الخشب و قلتله ..خير بمناسبة ايه ؟...يعني كنت عايز أسأل بس ..هو حضرتك مرتبطه ..واضح انك مش مخطوبة ولا متجوزة مافيش دبل في ايديكي ..بس الإرتباط بأه لازم أتأكد منه من حضرتك ..(حضرتك تاني يا حلولي)..والله الكلام ده مايتقالش في مواصلات و بعدين انا ماعرفكش و مش متعوده أكلم حد ماعرفوش ..طب يعني أنا لو معجب بحضرتك و عندي نيه أتقدم رسمي ..أعمل ايه ..أصلي بصراحه متابعك من مده بس دي أول مرة أتشجع و أحاول أكلمك ..ياحلاوة ياحلاوة متابعني من زمان ..ده واقع بأه..بس برضه على مين ..لازم أثبت ..و الله لو حضرتك متابعني زي مابتقول تبقى عارف بيتي و عارف بابايا ..هو الوحيد اللي ينفع يتكلم في المواضيع دي ..لو سمحت ماتحرجنيش اكتر من كده ..جامده جامده يعني ...الحقيقة انت كده أثبتيلي اني أحسنت الإختيار....ياسلام ياسلام..الله الله ..هو ده الكلام ..لحد كده الأمور كلها صح و مية مية ..صديته آه بس كمان قلتله كلم بابا..سيبتله سكه مفتوحه يعني . الواد بأه التباع راح شاخط فيا في اللحظه دي ..الأجرة يا أبله والا هتركبواببلاش...يابن اللذينا ..دانا عماله أترسم من ساعتها تبعتر كرامتي كده ؟...جيت أمد ايدي جوه الشنطه لقيتلكوا الأخ بأه راح بسرعه مطلع فلوس و محاسبلي ..لأ مايصحش ..لأ بأه اسمحيلي ..أنا لا يمكن أقبل واحده هاتقدملها تدفع و انا موجود ...وجون وجون وجون ..هيتقدملي خلاص أيوة كده هو انا صحيح ماعرفش هو بيشتغل ايه و الا عايش فين والا بيقلد فنانين والا ايه نظامه بس الجواب بيبان من عنوانه. أول ما المكروباص وقف لقيته نزل معايا في نفس المحطه و بصلي و قاللي ....أنا حبيت أنقذك يعني في المكروباص ..واضح قوي انك ماعاكيش فلوس...الدم ضرب في نافوخي..وله انت هتتمنظر عليا والا ايه ؟..واضح ان شنطتك فاضية آخر الشهر بأه يالا وفرتلك أجرة المكروباص تنفعك ..بصتله بذهول كده و قلت له ..مين اللي قالك الكلام الفارغ ده ..انا عمري مامشي بشنطتي فيها أقل من 300 جنيه..قالي باستهزاء كده ..لاااااماصدقش..الدم كان خلاص قرب يطلع من نافوخي زي النافورة..رحت مطلعه كل اللي في المحفظه مورياهولي ..أهه حتى شوف 50-100-200-220 لقيته مد ايده اخد الفلوس..و بصلها كده و عدها و قاللي آه صحيح انتي معاكي فلوس أهه و في لحظه راح مطبقهم و حاطتهم في جيبه ..و قاللي انا هاخليهم معايا بأه سوفينير لحد لما آجيلكم البيت ..ماستوعبتش و قبل ما آخد فرصة أقول كلمه واحده كان راكب ورا واحد على موتوسيكل شكله كده كان ماشي ورا المكروباص و هوا ..فص ملح و داب أختكوا بأه واقفه في وسط الشارع هابلااااااااااه ..زي اللي اتدلق عليه جردل مايه مش نضيف..مش عارفه أصوت والا أطلع أجري وراه والا ألطم على وشي ...فضلت واقفه يجي خمس دقايق في الشارع مش عارفه اروح فين والعربيات تقعد تزمرلي و لما تلاقيني مسهمة تقريبا اللي سايقين يقولوا في نفسهم دي يا اما طارشه يا اما مجنونة يا اما م اللي بيبيعوا مناديل ..و الناس تعدي تبصلي... و العيال الصغيرة يشدوا في هدوم أهاليهم ..بابا بابا هي الست دي عامله كده ليه؟ بعد شوية كده لفيت و دخلت المستشفى اللي باشتغل فيها ..و على وشي تعبير كده زي تعبير العمده الآلي بتاع زمان ..دخلت الصيدلية..قعدت ع المكتب ..و فجأه .....انفجرت في العياط ..و العيال زمايلي اتلموا حواليا..مالك ..فيه ايه؟...حد زعلك ..حد كلمك؟من بين العياط و الشحتفه ما اقدرتش أقولهم غير كلمه واحده

............

.........

.........

.........

.........

. ............

.........

......... ....

............

......

اتسرقت
وهوده علشان اللي بيعملوه البنات مع الولاد تعيشوا وتكلوا غيره

منقوووووووول