ياعييييييينى عليكو يابتوع هندسه
الأب يقرأ الجورنان في صمت ..... معالم الأهتمام واضحه علي ملامحه
... صوت من اخر الشقه يقترب :بابا بابا بابا
يخطلت بصوت وقع أقدام صغيره مسرعه علي الأرض
يلتفت الأب الي مصدر الصوت فيري حماده أبنه الصغير
قد وصل إليه ..... يترك الجورنان من يديه و يسأله مسرعا و قد أمتزجت معالم الأهتمام علي وجهه بمعالم الخوف و التوتر ....
الأب : في أيه يا حماده .... ماما تعبانه؟؟؟؟
حماده(بينهج): ماما ذي البمب يا بابا
ألأب : أمال أيه .... أختك أكلت المشابك تاني؟؟؟؟
حماده(بينهج أقل):لأ يا بابا بابا ...... دي عند طنط زوزه بتلعب مع مريم و داليا
الأب(متعجبا): أمال أنت كسرت أيه؟؟؟؟ حماده : مكسرتش حاجه والله حتي أسأل
الأب (يصرخ في وش الواد): أمال في أيه يا ابني؟؟؟؟
حماده: ولا حاجه يا بابا ....... أنا بس كنت عايز أقولك أني عايز أطلع راجل يا بابا
الأب ( أنشكح من الواد و أنجعص في الأعده ): يبقي لازم تدخل هندسه ذي باباك ..... و تبقي مهندس كبير قد الدنيا و نتفشخر بيك أنا و مامتك أقدام اللي يسوي و اللي ميسواش
أفتح بقي التليفزيون لما أوريك الأعلان بتاعها ..... يجري حماده علي التليفزيون و يفتح المحطه و للحظ السعيد الأعلان لسا بيبدأ
مذيع : عايز أبنك يبقي راجل ( يرد صوت جهوري أجش قادم من بعيد
هندسه
المذيع: يبقي الباشمهندس ( يرد نفس الصوت
هندسه
المذيع: تتفشخر بيه قدام أصحابك
هندسه
يحققلك أحلامك
هندسه
يعرف معني المعاناه
هندسه
يعرف يعني أيه حرمان
هندسه
ينسي يعني أيه اعياد
هندسه
يعرف معني المواصلات
هندسه
يتنشل في الأوتوبيسات
هندسه
يأتب من الرسم
هندسه
يتعمي من نقل الشيتات
هندسه
يشوف الذل قدامه كل يوم
هندسه
عايزه مينمش الصبح
هندسه
ولا حتي بليل
هندسه
تحب مينمش أصلا؟؟؟؟
هندسه
و يلعن اليوم اللي شافك فيه
هندسه
هندسه تضمن لكم الحصول علي شهاده بكالوريوس الهندسه و كارنيه نقابه المهندسين مع شهاده معتمده من السرايه الصفرا
posted by MrMr @ 3:34 PM
0 Comments:
Post a Comment
<< Home